Фондацијата „Со срце за Крива Паланка“ е продолжение на Фондацијата за развој на информатики технологии –Информатички центар, основана како правен субјект од страна на Општина Крива Паланка во 2006 година.Промената во Фондација „Со срце за Крива Паланка“ е извршена во 2018 година и делува како  јавна, транспарентна, непартиска и непрофитна организација.
 
Нејзина цел е развој на културата и филантропските активности преку  реализирање на проекти, размена на идеи и искуства и промоција на Крива Паланка пред домашната и меѓународната јавност. Делува на подрачјето на Општина Крива Паланка и пошироко, отворена е за соработка со организации, здруженија, фондации и иституции во земјата и во странство.
 
Фондацијата има клучна улога во поддршката на уметноста и културните иницијативи. Таа обезбедува средства и ресурси со кои се поттикнуваат креативноста и иновациите во заедницата. Исто така, Фондацијата промовира и социјална одговорност и заедништво, поттикнувајќи го активизмот, волонтеризмот и донаторството. Реализацијата на овие иницијативи ја збогатуваат културната сцена и придонесуваат за развојот на локалната заедница.